Yangiliklar

Maktabgacha va maktab ta'limi vazirligining YouTube dagi "Milliy taʼlim resurslari" kanalidan SUPER yangilikni siz bilan baham ko'rishga shoshilmoqdamiz!

07.04.2023 2042

Qadrli kuzatuvchilarimiz! Joriy yilning 10-aprel sanasidan boshlab, "Milliy ta'lim resurslari" rasmiy kanalimizga 7 turdagi, hozirda urfda bo'lgan va katta daromad keltiradigan kasblarni o'rgatuvchi video-darsliklarni e'tiboringizga havola etamiz! Ushbu video-darsliklarimiz, quyidagi ro'yxatda keltirilgan: 1. Mobilografiya 2. Copywriting 3. Biznesda ingliz tili 4. Proyekt menejer 5. Biznes etika 6. Hayot faoliyati xavfsizligi 7. Liderlik qobiliyatini shakllantirish "Milliy ta'lim resurslari" kanaliga obuna bo'lishni unutmang, bizni kuzatib boring va birinchilardan bo‘lib, yangi yo'nalishdagi video-darslarimiz foydalanuvchisiga aylaning! 71 2020909

Sizlarga qulaylik yaratish maqsadida, my.maktab.uz platformasida yana bir davlat xizmati joriy etildi!

05.04.2023 8015

Hurmatli ota-onalar! Endilikda Siz, Maktabgacha va maktab taʼlimi vazirligining my.maktab.uz platformasida yurtimizning istalgan hududlarida joylashgan umumtaʼlim maktablarida tahsil olayotgan farzandingizni Toshkent shahar, Qoraqalpogʻiston Respublikasi va viloyat markazlaridagi maktablarga onlayn tarzda oʻtkazish boʻyicha ariza berish imkoniyatiga egasiz. Batafsil maʼlumotlarni ushbu video yoʻriqnoma orqali hamda t.me/mymaktab_uz Telegram kanali yoki 71 203-07-04 telefon raqami orqali olishingiz mumkin.

“BETT Show Tech exhibition” koʻrgazmasi doirasida bir qator samarali uchrashuvlar boʻlib oʻtdi

01.04.2023 896

ITSM jamoasi London koʻrgazmasidagi ishtiroki davomida Kembrij shahrida joylashgan “Cambridge University”ning fizika boʻlimi mutaxassislari bilan “STEAM” taʼlimoti hamda “Cambridge Assessment” kompaniyasi vakillari bilan Oʻzbekistonda “STEM” — “Science Technology Engineering Math” taʼlimi mavzusiga bagʻishlangan bir qator muhokama uchrashuvlarini oʻtkazdilar. “Cambridge Assessment” vakillari orasida Yevropa va Osiyo mintaqasidagi islohotlar boʻlimi boshligʻi — Steve King, oʻquv dasturlari va oʻquv materiallari boʻlimi boshligʻi — Daniel Morish, taʼlim texnologiyalari boʻlimi boshligʻi va “Cambridge University” professori — Julia Citron xonim va boshqalar ishtirok etdilar. Uchrashuvlar davomida “STEAM” tashabbuslari orqali yurtimizga koʻproq innovatsiya loyihalarini olib kelish uchun mavjud taʼlim usullarini takomillashtirish va inson kapitalini rivojlantirish masalalari muhokama qilindi.

“BETT Show Tech exhibition” koʻrgazmasining ikkinchi ish kuni taassurotlari

30.03.2023 976

Xabaringiz bor, ITSM jamoasi London shahrida boʻlib oʻtayotgan innovatsion koʻrgazmada ishtirok etmoqda. Bugun koʻrgazma doirasida tashkil etilgan qiziqarli tadbirlarning bir nechtasi bilan quyida tanishtirib oʻtamiz: Robototexnika namoyishi — aqlli robotlarning obyektlarni tanish/aniqlash/tasniflash, navigatsiya va video kuzatishni oʻz ichiga olgan vazifalarni qanday bajarishi namoyish etildi; Dasturlash darslari — “Python” va “Javascript” kabi turli tillarda dasturlashni oʻrgatadigan tajribali oʻqituvchilardan amaliy koʻnikmalar taqdim etildi; Zamonaviy kompyuterlar va ularning aksessuarlari namoyishi — “Microsoft” va “Apple” kabi yirik kompaniyalar tomonidan barcha yangi ishlab chiqilgan qurilmalar, shuningdek ular uchun aksessuarlar taqdimoti boʻlib oʻtdi. Bundan tashqari, yaqin kunlarda taʼlim bozorida katta muvaffaqiyatlarga erishishga umid qilayotgan innovatorlarning qiziqarli chiqishlari ham taqdim etildi. Taʼlim...

“BETT Show Tech exhibition” koʻrgazmasi oʻz ishini boshladi

29.03.2023 950

Bugun London shahridagi “ExCeL London”da har yili oʻtkaziladigan “British Educational Technology Trade (BETT) Show” koʻrgazmasining rasmiy ochilish marosimi boʻlib oʻtdi. Va yana, butun dunyo boʻylab odamlar, taʼlim sohasidagi zamonaviy ilgʻor texnologiyalarni oʻrganish uchun Londonda toʻplanmoqdalar. Ushbu hafta davomida koʻrgazma doirasida texnologiya va taʼlimga ixtisoslashtirilgan koʻplab qiziqarli tadbirlarni oʻtkazish rejalashtirilgan. ITSM jamoasi ham ushbu koʻrgazmada ishtirok etmoqda. Kanalimizni kuzatishda davom eting, navbatdagi postlarimizda koʻrgazma doirasidagi tadbirlarga doir batafsil maʼlumotlarni berib boramiz.

"Navroʻzi Olam" muborak

21.03.2023 1154

Navroʻz bu tinchlik, totuvlik, farovonlik bayramidir. Millati va dinidan qatʼiy nazar, shu yurtda yashayotgan barcha insonlar uchun birdek sevimli, keksayu yosh uchun birdek aziz shodiyona hisoblanadi! Aziz vatandoshlarimiz, mehribon ustoz va murabbiylarimiz, qadrli yoshlarimiz, “Innovatsiya texnologiya va strategiya markazi” jamoasi Sizlarni bahoriy yangilanish va yosharish ayyomi — "Navroʻzi Olam" bilan muborak etadi! Sizga va yaqinlaringizga sihat-salomatlik, tinchlik-totuvlik, baxt-saodat tilab qoladi! Yurtimizni yosharish, yangilanish va bahoriy kayfiyat hech qachon tark etmasin!

Obod va fayzli mahalla – yurt koʻrki

18.03.2023 1078

Bugun 18-mart, yurtimiz boʻylab oʻtkazilayotgan umumxalq hashari Navroʻz bayrami va muborak Ramazon oyi arafasida tashkil etilib, unda Maktabgacha va maktab taʼlimi vazirligi xodimlari ham qizgʻin ishtirok etmoqda. Vazirlik atrofidagi hududlarda obodonlashtirish va koʻkalamzorlashtirish ishlari amalga oshirildi, yangi daraxt va gul koʻchatlari ekildi. Shuningdek, ushbu kunda mamlakatimiz boʻylab mahallalar, aholi turar joylari, xiyobonlar, ziyoratgohlar, qabristonlar, bolalar maydonchalari va boshqa joylarni obodonlashtirish va aholining ijtimoiy himoyaga muhtoj qatlamini qoʻllab-quvvatlash tadbirlari tashkil etilmoqda.

Mazkur video yoʻriqnoma orqali siz eksternat tartibidagi imtihonlar borasidagi barcha savollaringizga javob olishingiz mumkin

13.03.2023 1199

Qadrli kuzatuvchilar! Ayni damda eksternat tartibidagi imtihonlarda qatnashishga ariza topshirish boʻyicha koʻplab savol va murojaatlar kelib tushmoqda. Sizlarga qulaylik yaratish maqsadida Maktabgacha va maktab taʼlimi vazirligi mutaxassislari tomonidan video-yoʻriqnoma tayyorlandi. Mazkur video yoʻriqnoma orqali siz eksternat tartibidagi imtihonlar borasidagi barcha savollaringizga javob olishingiz mumkin.

Eksternat tartibidagi imtihonlarda qatnashish uchun ariza topshirish

10.03.2023 1425

Maktabgacha va maktab taʼlimi vazirligi Koll-markazi tomonidan 2023-yilning mart oyi birinchi haftasi mobaynida aholi tomonidan kelib tushgan dolzarb murojaatlar boʻyicha maʼlumotlar taqdim etildi. Unga koʻra, hafta davomidagi 250 ta murojaat, Eksternat tartibida imtihonlarda qatnashish uchun arizalar qabuli boshlanganligi doirasida boʻlib, quyida kelib tushgan dolzarb savollar va ularning javoblari keltirilgan: - Eksternat tartibidagi imtihonlarda ishtirok etish uchun ariza berish (hujjat topshirish) muddati qachongacha? - Ariza berish muddati my.gov.uz portali orqali 1-martdan 1-mayga qadar davom etadi. - 9-sinf doirasida eksternat tartibidagi imtihonlarda qatnashish uchun qanday hujjatlar topshirish kerak? - Oʻquvchi taʼlim olgan maktabi tomonidan taqdim etilgan baholar tabeli nusxasi yoki 9-sinfni tamomlamaganligi toʻgʻrisidagi maʼlumotnomani ariza berish jarayonida...

“8 mart — Xotin-qizlar kuni”

08.03.2023 1192

Aziz va moʻtabar ayollar, goʻzal opa-singillar va mehribon onajonlar! Sizni ushbu goʻzal bahor faslining ilk bayrami, “8 mart — Xotin-qizlar kuni” bilan chin yurakdan muborakbod etamiz! Sizga va siz orqali oilangizning goʻzal ayollariga sihat-salomatlik, tuganmas baxt-saodat, xonadoningizga fayz va baraka tilaymiz! Yurtimiz ravnaqi, jamiyatimiz rivoji, ulugʻ va ezgu maqsadlaringiz yoʻlida hech qachon tolmang. Bayramingiz muborak boʻlsin! Yuzingizdan tabassum hech qachon arimasin! Hurmat bilan, Innovatsiya, texnologiya va strategiya markazi jamoasi.

Zahiriddin Muhammad Bobur tavalludiga 540 yil to‘ldi.

14.02.2023 1333

Zahiriddin, bu qanday savdo, Qora hijrat sari yuz tutmoq? Yuragingni etar-ku ado, Tirik turib, Vatandan ketmoq?! Zahiriddin, ortga bir qara, Ortga boq, ey, sheri sargardon, Axir, keyin tushlaringda ham, Bu tuproqni koʻrmogʻing gumon”. Bugun ulugʻ oʻzbek shoiri, mutafakkir, tarixchi va davlat arbobi, Boburiylar saltanati asoschisi — Zahiriddin Muhammad Bobur tavalludiga 540 yil toʻldi. Zahiriddin Muhammad Bobur oʻrta asr Sharq madaniyati, adabiyoti va sheʼriyatida oʻziga xos oʻrin egallagan adib, shoir, olim boʻlish bilan birga yirik davlat arbobi va oʻz ismiga monand sher yurak sarkarda ham edi. Bobur keng dunyoqarashi va mukammal aql-zakovati bilan Hindistonda Boburiylar sulolasiga asos solib, bu mamlakat tarixida davlat arbobi sifatida nomi qolgan boʻlsa, oʻz ona tili, oʻzbek...

Metallurgning bir ish kuni!

25.01.2023 1150

Xabaringiz bor, Prezidentimiz tomonidan tuman va mahallalarning xususiyatidan kelib chiqib, endilikda oʻquvchilarga maktabning oʻzida 64 xil kasb va hunar oʻrgatilishi boʻyicha vazifa qoʻyildi. Biz oʻquvchilarga zamonaviy kasblarni tanishtirish maqsadida kasblar olamiga boʻlgan virtual sayohatimizni davom ettiramiz. Metallurg — metall qazib olish va uni qayta ishlash bilan shugʻullanadigan ogʻir sanoat mutaxassisi sanaladi. Bugun biz metallurgiya sohasida faoliyat yuritayotgan ogʻir sanoat texnologi misolida ushbu kasb egasining faoliyati bilan tanishamiz. Ogʻir sanoat texnologi – bu maʼlum bir mahsulotni ishlab chiqarish ketma-ketligini aniqlaydigan mutaxassis boʻlib, ishlab chiqarishni baholaydi va oqilona texnologik qarorlarni tanlash toʻgʻrisida qaror qabul qiladi. Maʼlumot uchun: 2020-yilning 4-dekabr sanasi Oʻzbekiston metallurgiya sanoati tarixida muhim tarixiy kun...

Siz gaz plitasi qachon va qayerda paydo boʻlganini bilasizmi?

23.01.2023 1028

Hozirgi kunda har bir uyda gaz plitasi mavjud, uning yordamida ovqatlarni tezda pishirish va isitish mumkin. Gaz plitasidan foydalanishni hammamiz bilsak-da, lekin u qanday ishlashi va qachon ixtiro boʻlganini barcha ham birdek bilavermaydi! Keling, buni birgalikda ushbu video orqali bilib olamiz! Yaqinlaringiz bilan boʻlishishni aslo unutmang!

Endi Oʻzbekiston maktablarida 64 xil kasb oʻrgatiladi

20.01.2023 1191

Joriy yilning 20-yanvar kuni Prezident Shavkat Mirziyoyev raisligida maktablarda xorijiy tillar va kasb oʻrgatish tizimini rivojlantirish masalalariga bagʻishlangan yigʻilish boʻlib oʻtdi. Unda taʼkidlanishicha, endilikda tuman va mahallalarning xususiyatidan kelib chiqib, oʻquvchilarga maktabning oʻzida 64 xil ishchi kasblar oʻrgatiladi. Hokimliklar 2 mingdan ortiq tanlab olingan maktablarda kasb-hunar ustaxonalari tashkil etib, ularni jihozlaydi va zarur ashyolar bilan taʼminlaydi. Bunga yoshlar yetakchilari va tadbirkorlar ham jalb etiladi, Yoshlar jamgʻarmasidan mablagʻlar yoʻnaltiriladi. Batafsil: https://president.uz/uz/lists/...

Bugun 14-yanvar, Vatanimiz himoyachilari bayramingiz muborak bo’lsin!

14.01.2023 1095

Bizning kuchimiz, shon-shuhratimiz va g‘ururimiz – O‘zbekiston Respublikasi Qurolli Kuchlaridir. Bugun 14-yanvar, O‘zbekistonda chin vatanparvarlar va milliy qahramonlar – Vatan himoyachilari kuni nishonlanmoqda. Ushbu qutlug‘ kunda mamlakatimiz tinchligi va xavfsizligi yo‘lida xizmat qilayotgan barcha harbiy xizmatchilarga ITSM jamoasi nomidan o’z minnatdorchiligimizni bildiramiz, ularga mustahkam ishonch, kuchli matonat, hamjihatlik va birdamlik tilab qolamiz!

Diqqat tanlov!

12.10.2022 1309

Xalq taʼlimi vazirligi huzuridagi Innovatsiya, texnologiya va strategiya markazi Yevropa Ittifoqining O‘zbekistondagi vakolatxonasi tomonidan moliyalashtirilayotgan “Mustaqil o‘qituvchilar assotsiatsiyalari imkoniyatlarini kengaytirish” loyihasining yakuniy hisobot konferensiyasini tashkillashtirish xaridlari uchun tanlov eʼlon qiladi. Tanlov nomi: “Mustaqil o‘qituvchilar assotsiatsiyalari imkoniyatlarini kengaytirish” loyihasining yakuniy hisobot konferensiyasini tashkillashtirish. Moliyalashtirish manbasi: Mazkur tanlov Yevropa Ittifoqining O‘zbekistondagi vakolatxonasi grant mablag‘lari hisobidan moliyalashtiriladi. Tanlov shartlari va ishtirokchining majburiyatlari haqida ushbu havola orqali tanishib chiqishingiz mumkin. Tanlovni tashkillashtirish bo‘yicha tajribaga ega tashkilotlar o‘z takliflarini info@itsm.uz elektron manziliga joriy yilning 7-noyabr kuni soat 18:00ga qadar yuborishlari lozim. Batafsil maʼlumot yoki savollar bo‘yicha +998 71 207-39-39 raqamiga murojaat qilishingiz mumkin.

Samarqand shahrida bo‘lib o‘tgan konferensiya “Zamonaviy o‘qituvchi obrazi: mahorat, pedagogik texnologiyalar va professional imij” mavzusiga bag‘ishlandi

10.10.2022 1585

Anjumanda asosiy e’tibor “Zamonaviy o‘qituvchi obrazini yarata olgan ustozlar faoliyatini onlayn treninglar, kollokviumlar orqali ommalashtirish”ga qaratildi. Shuningdek, maktab o‘qituvchilariga “Zamonaviy pedagogikada motivatsiya”, “Zamonaviy o‘qituvchi takti va axloqiy me’yorlari”, “Zamonaviy o‘qituvchining kreativlik komponentlari” kabi mavzulardagi ma’ruzalar doirasida tavsiyalar berildi.

O‘qituvchilar ishtirokida “Zakovat” intellektual klubining tumanlararo musobaqasi bo‘lib o‘tdi

07.10.2022 1700

Innovatsiya, texnologiya va strategiya markazi ko‘magida “O‘qituvchilar assotsiatsiyasi” jamoat birlashmasining Toshkent shahar bo‘limi va “Zakovat” intellektual klubi bilan hamkorlikda Toshkent shahrining 4 ta tumanidan yig‘ilgan 60 nafardan iborat o‘qituvchilar uchun “Zakovat” tumanlararo musobaqasi tashkil etildi. Tadbir yakunida faol ishtirokchilarga assotsiatsiyaning Toshkent shahar raisi Q. Shanazarova tomonidan 1-o‘ringa 9 million so‘m, 2-o‘ringa 6 million so‘m hamda 3-o‘ringa 3 million so‘m pul mukofotlari topshirildi. Shu bilan birga shahardagi barcha o‘qituvchilarni assotsiatsiya tomonidan tashkillashtiriladigan tadbirlarga jalb qilish, faoliyatini ommalashtirish, o‘z mavqeyini hamda aʼzolar sonini oshirish bo‘yicha tashviqot ishlari olib borildi.

“1-oktabr – O‘qituvchi va murabbiylar kuni”ga bag‘ishlangan “Olg‘a ustozlar!” marafoni tashkil etildi

06.10.2022 1429

Marafon dasturida 120 nafar Toshkent shahar maktablari o‘qituvchilari va metodistlari hamda Toshkent shahar Xalq taʼlimi boshqarmasi masʼullari ishtirok etdilar. Ushbu marafon “O‘zbekistonda mustaqil o‘qituvchilar assotsiatsiyalari imkoniyatlarini kengaytirish” loyihasi doirasidagi o‘qituvchilar assotsiatsiyalarini qo‘llab-quvvatlash dasturining 2022-yilga belgilangan grantlari asosida, “O‘qituvchilar assotsiatsiyasi” jamoat birlashmasining Toshkent shahar bo‘limi tashabbusi bilan o‘tkazildi. “Olg’a ustozlar” marafonida marraga 1-bo‘lib yetib kelgan g‘olibga noutbuk, 2-o‘rin sohibasiga “Smart” televizor va 3-o‘ringa zamonaviy velosiped hamda faol ustozlarga qimmatbaho sovg‘alar taqdim etildi.

ITSM hamda IFLYTEK o‘rtasida Memorandum imzolandi

03.10.2022 1447

Sun’iy intellekt yo‘nalishiga ixtisoslashgan “IFLYTEK” xitoy kompaniyasi hamda Xalq ta’limi vazirligi huzuridagi Innovatsiya, texnologiya va strategiya markazi o‘rtasida, yurtimiz maktablarining texnologik imkoniyatlarini oshirish hamda xitoy tilini samarali o‘rgatish maqsadida maxsus dastur yaratish bo‘yicha Memorandum imzolandi. Memorandum imzolash tadbiri onlayn formatida o‘tkazilib, tomonlar uni hayotga tatbiq etish yo‘llari hamda bosqichlari haqida kelishib oldilar. Xususan, ushbu Memorandumga asosan, “IFLYTEK” kompaniyasi O‘zbekistonlik o‘quvchilar hamda o‘qituvchilar “Smart Education” xalqaro Xitoy platformasidan bepul foydalanishlari uchun 1000 tagacha akkauntlarni shakllantirishga mas’ulligi ta’kidlab o’tildi.