Yangiliklar

ICT4Girls Digital Camp dasturi yakunlandi!

29.03.2022 2316

ICT4Girls Digital Camp dasturining so’ngi kunida "Innovatsiya, texnologiya va strategiya markazi" Bosh direktori Abduvali Haydarov nutq so‘zlab, qizlarni yaratilayotgan barcha imkoniyatlardan keng foydalanishga chaqirdi. Tadbir davomida mazkur dasturda faol ishtirok etib, 3 kun davomida o‘z bilim va ko‘nikmalarini ishtirokchi qizlar bilan bo‘lishgan mentorlarga ham alohida minnatdorchilik bildirildi. Dastur davomida ishtirokchilar olgan bilimlarini aniqlash maqsadida mentorlar tomonidan turli ko‘rinishdagi imtihonlar o‘tkazildi. Imtihonda yuqori baholangan 5 nafar qiz g‘olib deb topilib, noutbuk bilan taqdirlandi. Qolgan barcha ishtirokchilarga muvaffaqiyatli ishtiroki uchun sertifikatlar taqdim etildi.

ICT4Girls Digital Camp dasturi amalda

25.03.2022 2192

Joriy yilning 23-mart sanasida O'zbekistonning turli hududlaridan saralab olingan 100 nafar qiz Toshkent viloyatida joylashgan "Charos" nomli dam olish maskaniga ICT4Girls Digital Camp dasturida qatnashish uchun yetib kelishdi. Loyihaning ochilish marosimida qizlarga dastur haqida to’liq ma'lumot berib o’tildi. Shuningdek, barcha ishtirokchilar digital_campda yaratilgan shart-sharoitlar bilan tanishtirildi. Eslatib o'tamiz, ITSM tomonidan amalga oshirilayotgan “Qizlarning IT-koʻnikmalarini rivojlantirish” [ICT4Girls] loyihasi Shveysariya elchixonasi tomonidan moliyalashtirilmoqda.

Aziz vatandoshlar, qadrli ustoz va o‘quvchilar, "Innovatsiya, texnologiya va strategiya markazi" jamoasi sizlarni bahoriy yangilanish va yosharish ayyomi — Navro‘zi olam bilan muborakbod etadi!

21.03.2022 2261

Navro'z ayyomi barchangizga qutlug' bo'lsin. Sizlarni sihat- salomatlik, omad va baxt, oilaviy totuvlik hech qachon tark etmasin. Dimoqqa yalpizlar nafasi urar, Yurakda muattar chechaklar kular, Bir suluv kelinchak salomga kelar Ostonaga bosh ur, aziz mehmonim! Navro'zing muborak, O'zbekistonim! Bahoriy ayyom – Navro‘zi olam muborak

Uchtepa tumanidagi 129-sonli maktabda informatika fani o‘qituvchilari va AKT xodimlari uchun elektron taʼlim resurslari taqdimoti bo‘lib o‘tdi

14.03.2022 2704

Xalq taʼlimi vazirligi va "Innovatsiya, texnologiya va strategiya markazi" xodimlaridan iborat ishchi guruh tomonidan maktablardagi o‘quvchilarni AKTga o‘qitish, dasturlash tillariga o‘rgatish, foydali taʼlim resurslarini targ‘ib etish hamda o‘qituvchilarni informatika fanini o‘rgatish metodlari tahlil etildi. Shuningdek, o‘qituvchilarga xalq taʼlimi tizimidagi foydali va tavsiya etilayotgan elektron taʼlim resurslarini maktablarda keng joriy qilish yuzasidan taqdimot o‘tkazildi.

Surxondaryo viloyati maktab o‘quvchilari Registon, Ichan Qalʼa va Buxorodagi tarixiy - madaniy obyektlarga virtual sayohat qilishdi

12.03.2022 2311

Xalq taʼlimi vaziri o‘rinbosari Rustam Karimjonov boshchiligidagi ishchi guruh Surxondaryo viloyati umumtaʼlim maktablariga ko‘mak berish uchun o‘rganish o‘tkazmoqda. Umumtaʼlim maktablaridagi AKT holatini o‘rganish bilan birgalikda o‘quvchi yoshlarni Registon, Ichan Qalʼa va Buxorodagi tarixiy-madaniy obyektlariga virtual tarzda sayohat qilish imkoniyatlari namoyish etildi. Shuningdek o‘quvchi yoshlarga hamda o‘qituvchilarga xalq taʼlimi tizimidagi foydali elektron taʼlim resurslarini maktablarda keng joriy qilish yuzasidan taqdimot o‘tkazildi.

“Innovatsiya, texnologiya va strategiya markazi” jamoasi sizlarni 8-mart – Xalqaro xotin-qizlar kuni bilan samimiy muborakbod etadi!

08.03.2022 2655

Aziz va mo’tabar onajonlar, qadrli opa-singillar! “Innovatsiya, texnologiya va strategiya markazi” jamoasi sizlarni 8-mart – Xalqaro xotin-qizlar kuni bilan chin yurakdan qutlaydi. Sizga va oila a'zolaringizga tuganmas baxt-saodat, sihat-salomatlik, xonadonlaringizga fayz-u baraka tilaydi. Yuzingizdan tabassum hech qachon arimasin, hayotingiz esa yoqimli lahzalarga to‘la bo‘lsin. Yurtimiz ravnaqi, jamiyatimiz rivoji, ulug' va ezgu maqsadlaringiz yo'lida hech qachon tolmang. Bayramingiz muborak bo'lsin!

Diqqat, tanlov!

07.03.2022 3514

Xalq ta’limi vazirligi huzuridagi Innovatsiya, texnologiya va strategiya markazi Oʻzbekistondagi Shveysariya elchixonasi tomonidan moliyalashtirilayotgan “Qizlarning IT koʻnikmalarini rivojlantirish” (Digital Empowerment of Girls) loyihasi doirasida maktab/kasb-hunar maktabi/kollej/texnikum/akademik litsey oʻquvchi qizlari uchun bahorgi IT oromgohni tashkillashtirish xaridlari uchun tanlov e’lon qiladi. Tanlov nomi: “Qizlarning IT koʻnikmalarini rivojlantirish” (Digital Empowerment of Girls) loyihasi doirasida maktab/kasb-hunar maktabi /kollej /texnikum /akademik litsey oʻquvchi qizlari uchun bahorgi IT oromgohni tashkillashtirish. Moliyalashtirish manbai: Mazkur tanlov Shveysariyaning O‘zbekiston Respublikasidagi elchixonasi grant mablag‘lari hisobidan moliyalashtiriladi. Tanlov shartlari va ishtirokchining majburiyatlari haqida ushbu havola orqali tanishib chiqishingiz mumkin. Tanlovni tashkillashtirish bo‘yicha tajribaga ega tashkilotlar o‘z takliflarini info@itsm.uz elektron manziliga joriy yilning 15-mart kuni soat 18:00ga qadar...

Xalq ta'lim vazirligining elektron ta'lim resurslari Samarqand viloyati televideniyasi "Kun xabarlari" informatsion dasturi reportajida

04.03.2022 2779

ITSM ishchi guruhi tomonidan Samarqand viloyati maktablari quyidagi elektron ta'lim resurslari bilan tanishtirildi: MAKTAB.UZ KITOB.UZ - Apple store | Play Market SMARTLAND - Apple store | Play Market VR SAYOHAT EDU KIDS ARTSHOP

1-mart kuni Prezident Shavkat Mirziyoyev raisligida xotin-qizlarni qo‘llab-quvvatlash tizimi hamda ularning jamiyatdagi mavqeyini yanada mustahkamlash masalalari bo‘yicha videoselektor o‘tkazildi

02.03.2022 2821

Yigʻilishda 2022−2026-yillarga mo’ljallangan xotin-qizlar ta’limini qo’llab-quvvatlash dasturi qabul qilinishi va ta’lim tizimida xotin-qizlar uchun bir qator keng imkoniyatlar berilishi ma'lum qilindi. Jumladan, 2022-yildan boshlab har yili maktab va kollejlarni bitirayotgan 20 ming nafar qizni IT sohasida oʻqitish davlat buyurtmasi asosida amalga oshiriladi. Eslatib oʻtamiz, 2021-yil noyabr oyidan beri ITSM “Qizlarning IT koʻnikmalarini rivojlantirish” (ICT4Girls) loyihasini amalga oshirib kelmoqda.

ICT4Girls loyihasining Digital Camp dasturiga qabul boshlandi, dasturga ariza topshirish imkoniyatini qo‘ldan boy bermang!

22.02.2022 6387

Innovatsiya, texnologiya va strategiya markazi tomonidan amalga oshirilayotgan ICT4Girls loyihasi doirasida yurtimiz qizlarining IT ko‘nikmalarini rivojlantirishga qaratilgan ICT4Girls Digital Camp dasturi uchun qabul boshlangani e'lon qilindi. Dasturda 15 va undan katta yoshdagi maktab/kasb-hunar maktabi/kollej/texnikum/akademik litsey o‘quvchi qizlari ishtirok etishi mumkin. Oromgoh yo‘nalishlari: Veb-dasturlash Mobil dasturlash Raqamli marketing Veb-dizayn STEM *STEM yo‘nalishidagi o‘quv dastur 8-11-sinf o‘quvchilari uchun mo‘ljallangan. 4 kunlik oromgoh Toshkent viloyatida bahorgi ta’til davomida bo‘lib o‘tadi. Oromgoh bilan bog‘liq barcha xarajatlar tashkilotchilar tomonidan qoplanadi. ISHTIROK ETISH UCHUN YO‘NALISHLAR BO‘YICHA TALABLAR: Veb-dasturlash | Mobil dasturlash | Raqamli marketing | Veb-dizayn yo‘nalishlari uchun ariza topshiruvchilardan quyidagilar so‘raladi: 1. Ariza topshiruvchi o‘zi haqida ingliz tilida tayyorlagan 60 soniyali video (majburiy). Videoda quyidagi savollarga javob berishingizni...

Qizlar, biz bilan kuchli IT-mutaxassisga aylaning!

01.12.2021 3945

Siz kutgan ICT4Girls loyihasining mentorlik dasturi uchun qabul boshlandi. Loyiha ishtirokchisiga aylanuvchi 10 qiz mentor bilan ishlab, IT-yechim ishlab chiqish imkoniyatini qo‘lga kiritadi. Bu hali hammasi emas! Loyiha ishtirokchilari dastur yakunida o‘zlarining IT-mahsulotlarini moliyalashtirish uchun grant yutib olishlari mumkin. Shoshiling, qabul 2021-yil 12-dekabrgacha davom etadi. Ariza to‘ldirish uchun quyidagi QR-code yoki ushbu havoladan foydalaning: 4 oylik dasturda IT yo‘nalishida o’rta darajadagi bilim va ko‘nikmalarga ega 12-22 yoshdagi qizlar ishtirok eta oladi. ITga endi kirib kelayotgan qizlar uchun esa tez orada boshqa dasturlar uchun qabul boshlaymiz. Kuzatishda davom eting!

Diqqat tanlov!

19.11.2021 2780

Xalq ta’limi vazirligi huzuridagi Innovatsiya, texnologiya va strategiya markazi Yevropa Ittifoqi granti bilan moliyalashtirilayotgan «O‘zbekistonda mustaqil o‘qituvchilar assotsiatsiyalari imkoniyatlarini kengaytirish» loyihasi doirasida xalq taʻlimi tizimida faoliyat olib boruvchi oʻqituvchilar uchun seminar-trening tashkillashtirish ishlari uchun tanlov e’lon qiladi. Seminar-trening oʻqituvchilik kasbining psixologik xususiyatlari hamda oʻqituvchilarning huquq va majburiyatlari, jumladan uyushmalar tashkil etish huquqi mavzularida oʻtkazilishi lozim. Tanlovda tadbirlar va treninglar tashkillashtirish boʻyicha tajribaga ega tashkilotlar oʻz tijoriy takliflari bilan qatnashishlari mumkin. Batafsil maʻlumot va talablar quyida keltirilgan. Takliflar 2021-yil 26-noyabrgacha qabul qilinadi. Loyiha haqida Innovatsiya, texnologiya va strategiya markazi tomonidan amalga oshirilayotgan “O‘zbekistonda mustaqil o‘qituvchilar assotsiatsiyalari imkoniyatlarini kengaytirish” loyihasi Yevropa Ittifoqi tomonidan moliyalashtirilayotgan bo‘lib, o‘qituvchilarning...

Kimyo, fizika va biologiya fani oʻqituvchilari malakasini oshirish boʻyicha seminar oʻz ishini boshladi

05.11.2021 3406

Kimyo, fizika va biologiya fani bo‘yicha respublikamiz oʻqituvchilarining malakasini oshirish boʻyicha seminar oʻz ishini boshladi Joriy yilning 5-noyabr kuni, poytaxtimizning 110-sonli ixtisoslashtirilgan davlat umumta’lim maktabida STEM ta’limini rivojlantirish maqsadida fizika, kimyo va biologiya fanlaridan laboratoriya ishlarini olib borish yuzasidan o‘qituvchilarni kasbiy tayyorlash va malakasini oshirishga oid oʻquv-trening boshlandi. Trening Xalq ta’limi vazirligi, Innovatsiya, texnologiya va strategiya markazi hamda Respublika ta’lim markazi tomonidan tashkil etilgan bo‘lib, ochilish marosimida xalq ta’limi vaziri o‘rinbosari Rustam Karimjonov, Taʼlim sifati jarayonlarini muvofiqlashtirish, pedagog kadrlarni tayyorlash va ularning salohiyatini oshirish boshqarmasi boshligʻi Laziz Xo‘jakulov hamda sohaga doir qator mutaxassislar ishtirok etishdi. 4 kunlik oʻquv-treningda STEM ta’limini joriy etish...

O‘zbekistonda ILK BOR Ahmad al-Farg‘oniy nomidagi xalqaro fizika olimpiadasi bo‘lib o‘tadi

28.10.2021 3132

Joriy yilning 8–13 noyabr kunlari Farg‘ona viloyatida Ahmad al-Farg‘oniy nomidagi IAFPhO 2021 xalqaro fizika olimpiadasi bo‘lib o‘tadi. Xalqaro olimpiadada dunyoning 15 dan ortiq davlatidan 100 nafardan ortiq o‘quvchi qatnashishi kutilmoqda. Biz barcha yosh fiziklarni olimpiadada ishtirok etishga taklif etamiz! Arizalar 15 - oktyabrgacha https://iafpho2021.uz/ sayti orqali qabul qilinadi. Batafsil ma'lumot uchun

ITSM “Virtual sayohat” loyihasining taqdimotini o‘tkazdi

15.10.2021 9737

Joriy yilning 15-oktabr kuni poytaxtimizning 110-sonli ixtisoslashtirilgan davlat umumta’lim maktabida “Barkamol avlod” bolalar maktablarida onlayn VR sayohatlarni o‘z ichiga olgan virtual maydonlarni tashkil etish” (Keyingi o‘rinlarda – “Virtual sayohat”) loyihasining taqdimoti bo‘lib o‘tdi. Unda ITSM’ning Maktabdan tashqari ta’lim va elektron resurslarni rivojlantirish boshqarmasi boshlig‘i o‘rinbosarlari Otabek Djurayev va Farrux Abduvaxidov hamda Dasturiy mahsulotlarni joriy qilish va texnik yordam ko‘rsatish boshqarmasi mutaxassisi Ali-Zoda Abdusamatovlar ishtirok etishdi. Bugungi kunda yoshlarga zamonaviy uskunalarni to‘g‘ri va samarali qo‘llash, hamda ulardan maksimal darajada foyda olishni o‘rgatish, shu bilan birga reallik, virtuallik tushunchalarini to‘g‘ri talqin qilish muhim masalalardan biri hisoblanadi. Shu bois Innovatsiya, texnologiya va strategiya markazi tomonidan...

Raqamli kutubxona platformasidan toʻgʻri foydalanish boʻyicha trening oʻtkazildi

14.10.2021 4152

Joriy yilning 14-oktabr kuni poytaxtimizning 238-umumtaʼlim maktabida Raqamli kutubxona loyihasi doirasida Raqamli kutubxona platformasidan toʻgʻri foydalanish, xususan, kutubxona fondidagi kitoblar harakatini samarali nazorat qilish boʻyicha kutubxonachilar bilan trening oʻtkazildi. Unda Innovatsiya, texnologiya va strategiya markazi Ta’lim texnologiyalarni ishlab chiqish boshqarmasi mutaxassislari Muhiddin Jalolov va Abduxabib Meliyev, Dasturiy mahsulotlarni joriy qilish va texnik yordam koʻrsatish boshqarmasi mutaxassisi Amrillo Abdusalomov hamda 166-, 330-, 22-, 238-, 279-sonli umumtaʼlim maktablarining kutubxonachilari ishtirok etdi. Endilikda treningni Shayxontohur tumanida joylashgan barcha maktablar uchun oʻtkazish rejalashtirilgan.

ITSM fizika, kimyo va biologiya fanlariga oid laboratoriya ishlarini olib borish bo‘yicha uslubiy qoʻllanmalarni ishlab chiqishda ishtirok etgan mutaxassislarga oʻz minnatdorchiligini bildiradi

30.09.2021 2717

Avvalroq, STEAM ta’limini rivojlantirish maqsadida ITSM tomonidan “Fizika, kimyo va biologiya fanlari bo‘yicha laboratoriya ishlarini olib borish bo‘yicha o‘qituvchilarni kasbiy tayyorlash va malakasini oshirish” loyihasi amalga oshirilayotganligi. Ushbu loyiha doirasida fizika, kimyo va biologiya fanlari boʻyicha 110 dona laboratoriya ishlari ishlab chiqilganligi haqida xabar bergan edik. Endilikda, ularni ishlab chiqishda ishtirok etgan yuqoridagi mutaxassislar bilan sizni tanishtirib, ularga oʻz minnatdorchiligimizni bildirmoqchimiz.

EDU KIDS MULTFILMLARI ENDI ITV DA

25.08.2021 3135

Innovatsiya, texnologiya va strategiya markazi tomonidan amalga oshirilayotgan Edu Kids loyihasi doirasidagi multfilmlarni endi itv platformasi orqali koʻrishingiz mumin! Edu Kids daydjestlari maktab yoshidagi bolalarni har tomonlama rivojlantirishga qaratilgan boʻlib, ular quyidagi turkumlardan iborat: - “Eng qiziqarli”; - “Tarix”; - “Buyuk insonlar hayoti”; - “Shaxsiy rivojlanish”; - “Texnologiya haqida”; - “Nima uchun kitob o‘qish kerak”. Multfilmlarning asosiy maqsadi bu yoshlarimizni kelajakda muvaffaqiyatga erishishlari va oʻz ustida ishlashga motivatsiya qilish boʻlib, unda ota-onalar, jamiyatimiz va oʻqituvchilarimizning rolini yanada oshirishdir.

ITSM jamoasi umumxalq xayriya hasharida hamjihatlik bilan qatnashdi!

21.08.2021 2861

Sog‘lom turmush tarzini targ‘ib qilish, yurtimiz bo‘ylab koronavirus pandemiyasi tarqalishining oldini olish hamda aholining ijtimoiy himoyaga muhtoj qatlamlarini qo‘llab-quvvatlash maqsadida, 2021-yilning avgust oyi “Mahallalarni obodonlashtirish” oyligi etib belgilandi va 21-avgust umumxalq obodonlashtirish xayriya hashari o‘tkazilishi belgilab qo'yildi. Xalq ta’limi vazirligi huzuridagi “Innovatsiya, texnologiya va strategiya markazi” xodimlari ham ushbu hasharga o‘z hissasini qo‘shdi. ITSM jamoasi tomonidan o‘zaro hamjihatlik, inoqlik asosida tashkil etilgan xayrli tadbir natijasida, hovli, xizmat xonalari ozoda, shinam va obod holga keltrildi.

Bir qator AKT xodimlari va Informatika fani oʻqituvchilari Vazirlik tomonidan taqdirlandilar

21.08.2021 4182

20-avgust kuni xalq ta’limi tizimida axborot-kommunikatsiya texnologiyalarini joriy etish va rivojlantirish bo‘yicha joylarda samarali mehnat qilib kelayotgan bir qator AKT mutaxassislari hamda Informatika va axborot texnologiyalari fani o‘qituvchilarini munosib rag‘batlantirishga bag‘ishlangan tadbir bo‘lib o‘tdi. Tadbirda “Bir million dasturchi” loyihasini keng targ‘ib qilish, Xalq ta’limi tizimidagi muassasalarni boshqarish bo'yicha yagona elektron dasturiy tizimi (ERP) hamda “Elektron kundalik” axborot tizimlarida ma’lumotlar bazalarini shakllantirish, Oracle va Cisco kompaniyalarining onlayn kurslarini maktablarda o‘qitishni tashkil etib, o‘quvchilarga dasturlash tili va tarmoq texnologiyalarini o‘rgatishda jonbozlik ko‘rsatayotgan xodimlarning faoliyati ijobiy e’tirof etildi va Vazirlik tomonidan “Xalq ta’limi a’lochisi” ko‘krak nishoni, sertifikat va esdalik sovg‘alari bilan taqdirlandilar. Quyida Vazirlik tomonidan e’tirof...