Uchrashuv davomida Innovatsiya, texnologiya va strategiya markazining bosh direktori Abduvali Haydarov joriy etilayotgan zamonaviy ta’lim uslublari, umumta’lim maktablari o‘qituvchilarining malakasini hamda yoshlarni bilim olishga bo‘lgan qiziqishini oshirish maqsadida ishlab chiqilayotgan loyihalar haqida atroflicha to‘xtalib o‘tdi. Shuningdek, Raqamli iqtisodiyot tadqiqotlari markazi direktori Vladimir Kravchenko o‘qituvchilar va o‘quvchilar uchun ishlab chiqilgan video kontent hamda ta’lim sohasining ko‘p yo‘nalishlarini raqamlashtirish uchun yaratilgan veb-platformalar bilan tanishib chiqib, kelajakda hamkorlikda bundan ham ilg‘or loyihalar ishlab chiqish istagini bildirdi.

Memorandum O‘zbekiston Respublikasida xalq ta’lim sohasini raqamlashtirish yo‘lida amalga oshirilayotgan istiqbolli loyihalarni joriy qilish, tadbirlar tashkil etish uchun qulay shart-sharoit yaratish, ta’lim tizimiga innovatsion g‘oyalar,  raqamli texnologiyalar va yangi tashabbuslarni tatbiq etish va boshqalarni ko‘zda tutadi.

Ushbu Memorandum bo‘yicha hamkorlik quyidagi imkoniyatlarni taqdim etadi:

- tomonlar xalq ta’limi va IT sohalarida o‘zaro hamkorlikni amalga oshirish maqsadida qo‘shma loyihalarni ishlab chiqish va amalga oshirish;
- ta’lim sohasida innovatsion texnologiyalarni ishlab chiqish, joriy etish va targ‘ib qilish bo‘yicha qo‘shma tadbirlarni tashkillashtirish;
- xalq ta’limi tizimini takomillashtirish bo‘yicha qo‘shma loyihalar ishlab chiqish va ularda ishtirok etish;
- xalq ta’limi tizimida qo‘shma innovatsion ilmiy-tadqiqot loyihalari va tahliliy ishlarni tashkil etish;
- o‘zaro manfaatli qo‘shma anjumanlar, tomonlarni qiziqtirgan masalalar bo‘yicha ilmiy seminarlar, amaliy mashg‘ulotlar, akademik mashg‘ulotlar, master klasslar, treninglar, davra suhbatlari va anjumanlar tashkillashtirish.

INHA universitetida Informatika va axborot texnologiyalari fani o‘qituvchilari uchun “IT day in Tashkent” mavzusiga bag‘ishlangan seminar-trening bo‘lib o‘tdi. 
  
Ushbu tadbirda Toshkent shahrida joylashgan umumtaʼlim maktablarining 300 ga yaqin “Informatika va axborot texnologiyalari” fani o‘qituvchilari ishtirok etishdi.

Seminar davomida IT sohasida ko‘plab yutuqlarga erishgan mutaxassislar o‘z tajribalari bilan ulashdilar. Bundan tashqari, o‘quv jarayonida yuzaga keladigan turli xil salbiy vaziyatlarga yechim, o'qituvchi va o'quvchi o'rtasida yuzaga kelishi mumkin bo'lgan ziddiyatlarni oldini olish haqida psixolog bilan fikr almashuvi ham bo‘lib o‘tdi.

Ushbu tadbir Xalq ta’limi vazirligi va ITSM tomonidan hamda IT Park, INHA universiteti va “Samsung Electronics” kompaniyalarining hamkorligida o'tkazildi.

BMTTDning Yevropa va Markaziy Osiyodagi hududiy ijtimoiy innovatsion dasturi bo'lgan BOOST: Innovator ayollar akselerator dasturida ishtirok etuvchi 55 ta gʻoliblar nomini e'lon qildi. ITSM ham ushbu gʻoliblar qatorida ayollarning raqamli imkoniyatlarini kengaytirishga qaratilgan 12 haftalik mentorlik va o‘quv dasturida ishtirok etadi. 

BOOST quyidagi 4 yoʻnalish boʻyicha innovatsiyalarga chorlovchi mintaqaviy dastur hisoblanadi: 
– maʼlumotlar bilan ishlashda ayollar;
– ayollar va raqamli imkoniyatlar;
– STEM va raqamli iqtisodiyotda ayollar;
– texnologik innovatsiyalarda yetakchi ayollar.

Dasturda ishtirok etish uchun Yevropa va Markaziy Osiyo mintaqasidan 20 dan ortiq davlatdan 300 dan ortiq ariza qabul qilinib, ulardan 55 tasi saralab olindi. 

Ma'lumot uchun, “BOOST: Innovator ayollar” dasturi Koç Holding va Slovakiya Respublikasi Moliya vazirligi kabi hamkorlar tomonidan qoʻllab-quvvatlanadi.

Prezident tomonidan ilgari surilgan “O‘zbekiston uchun 100 g‘oya” respublika tanlovida ITSM xodimi TOP-100 talikka kirdi!

Maktabdan tashqari taʼlim va elektron resurslarni rivojlantirish boshqarmasi boshlig‘i Farrux Abduvaxidov tomonidan taklif etilgan “Mening daraxtim” (“My tree”) loyihasi final bosqichida g‘olib deb topildi va tanlovda TOP-100 talikdan joy oldi.
Mazkur respublika tanlovida umumiy qatnashchilar soni 25 094 nafarni tashkil etib, ular orasidan eng sara 100 g‘oya mualliflari “Oʼzbekiston uchun 100 gʼoya” maxsus diplomi, statuetka va qimmatbaho sovg‘alar bilan taqdirlanishdi.

Ushbu loyiha 12-22 yoshdagi maktab, kasb-hunar maktablari, kollej va texnikumlar oʻquvchi qizlari uchun moʻljallangan.

Loyiha doirasidagi dasturlar qizlarning raqamli savodxonlik darajalariga qarab turlarga boʻlingan:
– IT sohasiga endi kirib kelayotgan qizlar uchun onlayn kurslar
– Raqamli savodxonligi oʻrta darajada boʻlgan qizlar uchun IT-oromgoh

– Anchadan beri ITning u yoki bu yoʻnalishida ancha bilim va tajriba orttirgan qizlar uchun esa mentorlik dasturlari tashkil etilmoqda.

ICT4Girls loyihasi orqali biz
– Oʻzbekiston qizlarining raqamli savodxonligini oshirish
– Ushbu yoʻnalishda ularni qoʻllab-quvvatlovchi muhitni shakllantirishga hissa qoʻshishni maqsad qilganmiz.

Mentorlik dasturining asosiy maqsadi - qizlarning ilg’or IT bilim va ko’nikmalarini oshirish. ⁣
⁣Dastur davomida har bir ishtirokchi dastur tomonidan belgilangan mentori bilan kamida 12 marta onlayn/oflayn tarzda uchrashadilar.
⁣Har bir ishtirokchi mentor bilan o’ziga qiziq bo’lgan ijtimoiy muammo uchun IT-yechim ishlab chiqish ustida ish olib boradi
⁣Dastur yakunida ishlab chiqarilgan IT-yechimalar ishtirokchilar tomonidan taqdim etiladi. ⁣

Joriy yilning 15-oktabr kuni poytaxtimizning 110-sonli ixtisoslashtirilgan davlat umumta’lim maktabida “Barkamol avlod” bolalar maktablarida onlayn VR sayohatlarni o‘z ichiga olgan virtual maydonlarni tashkil etish” (Keyingi o‘rinlarda – “Virtual sayohat”) loyihasining taqdimoti bo‘lib o‘tdi. Unda ITSM’ning Maktabdan tashqari ta’lim va elektron resurslarni rivojlantirish boshqarmasi boshlig‘i o‘rinbosarlari Otabek Djurayev va Farrux Abduvaxidov hamda Dasturiy mahsulotlarni joriy qilish va texnik yordam ko‘rsatish boshqarmasi mutaxassisi Ali-Zoda Abdusamatovlar ishtirok etishdi.

Bugungi kunda yoshlarga zamonaviy uskunalarni to‘g‘ri va samarali qo‘llash, hamda ulardan maksimal darajada foyda olishni o‘rgatish, shu bilan birga reallik, virtuallik tushunchalarini to‘g‘ri talqin qilish muhim masalalardan biri hisoblanadi.

Shu bois Innovatsiya, texnologiya va strategiya markazi tomonidan “Virtual sayohat” loyihasi amalga oshirilayotgan bo‘lib, mazkur loyiha O‘zbekiston Respublikasi “Barkamol avlod maktab”larida onlayn ekskursiyalar uyushtirish va respublikamizning ko‘p yillik tarixga ega diqqatga sazovor joylari, tarixiy obidalari, madaniyati va urf-odatlari bilan virtual tanishish imkonini beradi.

-        Loyiha, avvalam bor, bugungi kun talabidan kelib chiqqan holda, “Barkamol avlod maktab”i o‘quvchilarining tarixiy savodxonligini oshirish, zamonaviy virtual sayohat imkoniyatlarini amalda keng qo‘llash, shu bilan birga, xorijiy mamlakatlarning tarixi va madaniyatini o‘rganish imkoniyatini yaratishga qaratilgan. “Virtual sayohat” orqali o‘quvchi yoshlarni ichki turizmga bo‘lgan qiziqishlari va ishtiyoqini oshirish, virtuallikdagi sayohatni real sayohatga aylantirish ko‘zda tutilgan”, deydi tadbir davomida ITSM’ning Maktabdan tashqari ta’lim va elektron resurslarni rivojlantirish boshqarmasi boshlig‘i o‘rinbosari Otabek Djurayev.

Ortiqcha sarf-xarajatlarsiz milliy va xorijiy tarixiy obidalarni virtual reallikda ko‘rish va tanishish imkoniyatini beruvchi “Virtual sayohat” loyihasi doirasida har bir o‘quvchi o‘qib o‘rgangan madaniy meros, tarixiy obidalar darsliklari VR uskunasi orqali qisqa metrajli videolarda jonlantiriladi.

Hozirda quyidagi diqqatga sazovor joylarning videolari tayyorlangan: 

Registon maydoni (Samarqand);

Shohizinda majmuasi (Samarqand);

Ark Qal’asi (Buxoro);

Ichan Qal’a (Xiva);

Oqsaroy (Shahrisabz).

Onlayn VR sayohatlarni o‘z ichiga olgan virtual maydonlarini noyabr oyining oxiriga qadar respublikamizning qator “Barkamol avlod” bolalar maktablarida  tashkil etish rejalashtirilgan.

Xalq taʼlimi tizimida joriy etilayotgan va amalda tatbiq qilinayotgan loyihalarga, shu bilan birga xalqaro loyihalarga ham bosh-qosh boʻlayotgan Innovatsiya, texnologiya va strategiya markazining bosh direktori Abduvali Abdunabiyevich Haydarov "Oʻzbekiston Respublikasi Mustaqilligining 30 yilligi" esdalik nishoni bilan taqdirlandi!

Edu Kids dayjestlari maktab yoshidagi bolalarni har tomonlama rivojlantirishga qaratilgan boʻlib, ular quyidagi turkumlardan iborat:

- “Eng qiziqarli”;
- “Tarix”;  
- “Buyuk insonlar hayoti”;
- “Shaxsiy rivojlanish”;
- “Texnologiya haqida”;
- “Nima uchun kitob o‘qish kerak”.

Multfilmlarning asosiy maqsadi bu yoshlarimizni kelajakda muvaffaqiyatga erishishlari va oʻz ustida ishlashga motivatsiya qilish boʻlib, unda ota-onalar, jamiyatimiz va oʻqituvchilarimizning rolini yanada oshirishdir.

30-iyun - Yoshlar kuni munosabati bilan xalq taʼlimi tizimida samarali mehnat faoliyatini olib borayotgan, islohotlarni amalga oshirishda haqiqiy jonbozlik koʻrsatayotgan 25 nafar xodim “Xalq taʼlimi aʼlochisi” koʻkrak-nishoni bilan taqdirlandi. Shu jumladan, Innovatsiya, texnologiya va strategiya markazining Raqamli taʼlim platformalarini rivojlantirish boshqarmasi boshligʻi Saidaxmad Jalilov va Xalqaro hamkorlik boshqarmasi boshligʻi Jasur Asqarov bunday eʼtirofga sazovor boʻldilar.
 
Markaz jamoasi nomidan mukofot olgan xodimlarni ushbu yutuqlari bilan muborakbod etamiz va bugungi kundagi shijoati, tashabbuskorlik xislatlarini yoʻqotmasliklarini hamda kelgusidagi ishlariga rivoj tilab qolamiz.

Innovatsiya, texnologiya va strategiya markazining anʼanaviy odatlariga koʻra, oʻz ishiga masʼuliyat bilan yondashgan, yaxshi natija koʻrsatgan xodimlar har oyning yakunida Markazning Bosh direktori Abduvali Haydarov tomonidan maxsus faxriy yorliqlar bilan taqdirlanadilar. Shu anʼanaga rioya qilib, mart oyida faol mehnat qilgan va gʻayratini namoyon etgan bir qator xodimlar taqdirlandilar. Jumladan:

Nodirbek Barnayev – tashkiliy ishlarda koʻrsatgan shijoati va oʻz ishiga boʻlgan sadoqati uchun;

Alisher Rapiyev – oʻz ishiga kreativ va masʼuliyat bilan yondashganligi uchun;

Malika Shavkiyeva – UNICEF bilan hamkorlikdagi loyihada faol mehnati uchun;

Feruza Hamroyeva – “Yangi Oʻzbekiston ustozlari” loyihasidagi faol ishtiroki uchun;

Amrillo Abdusalomov va Azizaxon Xoʻjayeva – jamoatchilik bilan aloqalarda faol ishtiroki uchun taqdirlandilar.

Barcha ITSM xodimlarini sertifikatlari bilan tabriklaymiz va kelgusida ishlariga muvaffaqiyatlar tilab qolamiz!

Memorandumning asosiy maqsadi yetakchi o‘qituvchilarni aniqlash yo‘li bilan tabiiy fanlar sohasidagi ta’lim sifatini yaxshilash, murabbiylar uchun kaskad usulidagi mashg‘ulotlar o‘tkazishga erishish, jahon tajribasi va zamonaviy texnologiyalardan foydalangan holda O'zbekistonning milliy dasturiga muvofiq tabiiy fanlar bo‘yicha o'qituvchilar malakasini oshirish yordamida kaskadli mashg‘ulotlarni o‘tkazishdan iborat.

Loyiha doirasida kitobning laboratoriya ishlariga ega har bir sahifasini QR kod bilan ta’minlash rejalashtirilmoqda, natijada onlayn sahifaga o‘tishga va ushbu laboratoriya ishini o‘tkazish uchun uch bosqichli yo‘riqnoma va videoni ko‘rish imkoni yaratiladi. Va bu jarayon ham o‘qituvchi uchun, ham o‘quvchi uchun ham oson va tushunarli bo‘ladi.

Imzolangan memorandum doirasida tomonlar quyidagi hamkorlik yo'nalishlari bo'yicha o'zaro kelishuvga erishdilar:

- chekka hududlardan kelgan o'qituvchilar uchun yanada interaktiv va tushunarli bo'ladigan uslubiy qo'llanma yaratish orqali fundamental fan yo'nalishi bo'yicha ta'lim sifatini oshirish;

- amaliy mashg'ulotlarni o'tkazish uchun zarur bo'lgan laboratoriya uskunalari ro'yxatlarini xalqaro standartlarga muvofiq yangilash, bunda ishlarning maksimal hajmi minimal miqdordagi jihozlarda amalga oshiriladi.

- tabiiy fanlar o‘qituvchilari uchun kerakli nazariy bilimlar ro‘yxati va zarur laboratoriya ishlarining ro‘yxati ko‘rsatilgan holda maxsus professional standartlarni ishlab chiqish.

Imzolangan Memorandumni amalga oshirish doirasida tajriba va laboratoriya ishlarini o‘tkazish orqali o‘quvchilar orasida tabiiy fanlarga qiziqishni uyg‘otishni targ‘ib qilishga hamda o‘yinlarga asoslangan ko‘rgazmali ta’lim metodini yaratgan holda bilim olishlari uchun turtki berishga erishiladi.

25-mart kuni Misr Arab Respublikasida “The Digital Path: New Directions in Education” 17-Jahon Ta’lim Sammiti o‘z ishini boshladi. Sammitda xalq ta’limi sohasida yangi tashabbuslarni va chet el tajribasini o‘rganish maqsadida “Innovatsiya, texnologiya va strategiya markazi” bosh direktori Abduvali Haydarov delegatsiya a’zosi sifatida ishtirok etmoqda.

Jahon Ta’lim Sammiti har yili dunyoning turli davlatlarida ta’lim yo‘nalishi bo‘yicha o‘tkaziladigan nufuzli tadbirlardan biri hisoblanadi. Sammit doirasida xalqaro, jumladan Pearson, Egyptian Knowledge Bank, Educational Research Centre, International Arab Baccalaureate, Egyptian Scholastic Test, Discovery Education, Promethean, Innovera, GL Education and Teacher Created Materiales kabi tashkilotlarining tajribali ekspertlari o‘z tajribalari bilan o‘rtoqlashadi.

 Sammit doirasida ta’lim sohasida faoliyat olib boruvchi dunyoning yetakchi tashkilotlari vakillari, xalqaro ekspertlar o‘zaro aloqa o‘rnatish, fikr va tajriba almashish imkoniyatiga ega bo‘ladilar.

Sammitning birinchi kunida quyidagi yo‘nalishlarda taqdimotlar namoyish qilindi, ma’ruzalar tinglandi:

• Yoshlarning o‘z qobiliyatlariga mos keladigan mutaxassislikni tanlashlari zarurligi hamda bunga ko‘mak beruvchi test tizimi;
• Bolalar rivojlanishida kognitiv (aqliy) qobiliyatlar ahamiyati va ularni baholash tizimi (CAT4);
• Misrdagi ta’lim tizimini zamonaviy ta’lim tizimiga aylantirish, bitiruvchilarda tegishli hayotiy ko‘nikmalar shakllanishiga ko‘maklashish borasida olib borilayotgan tadbirlar;
• Ta’lim olish jarayonida yuqori sifatli standartlashtirilgan raqamli baholash tizimlaridan foydalanish imkoniyatlari.

“The Digital Path: New Directions in Education” 17-Jahon Ta’lim Sammiti 27-martga qadar davom etadi.

ITSM va Webster universiteti o'rtasida memorandum imzolandi

Bugun, 2-fevral kuni Xalq ta’limi vazirligi huzuridagi “Innovatsiya, texnologiya va strategiya markazi” (ITSM) va Toshkentdagi Webster Universiteti (Webster) o'rtasida o'zaro anglashuv memorandum imzolandi.

Uchrashuv doirasida tomonlar quyidagi yo’nalishlarda hamkorlikni yo'lga qo'yish bo’yicha kelishuvga erishdilar:

-  ITSM da Webster talabalari amaliyot o’tashlari uchun imkoniyatlar yaratish;
-  Bo'sh ish o’rinlari haqida ma'lumot berish;
-  "Yetakchilar bilan suhbat" loyihasi doirasida ish safarlari va ITSM rahbariyati bilan uchrashuvlar tashkillashtirish;
-  "Webster uchun maslahat” loyihasini amalga oshirish;
-  Webster talabalarini ITSM loyihalariga jalb qilish;
-  Qo'shma tadbirlar, loyiha, seminar-treninglar va davra suhbatlari tashkillashtirish;
-  ITSM hodimlari uchun Websterning MBA dasturi doirasida bepul Michigan English Test (MET) test sinovlarini o'tkazish;
va boshqa xalqlar ta'limiga oid dolzarb yo'nalishlarda hamkorlikni kengaytirish.

Ma'lumot uchun: Amerika Qo'shma Shtatlarining Toshkentdagi Webster Universiteti O’zbekiston Respublikasi Prezidentining 2019-yil 20 martdagi 4245-sonli qarori asosida tashkil etilgan. Ushbu Universitetda bakalavriatning asosiy 14 ta ta’lim yo’nalishi va 16 ta magistratura mutaxassisligida kadrlar tayyorlanadi.

Shuningdek, uchrashuv davomida ITSM tomonidan talabalar uchun o'quv seminari o'tkazildi. Tashkilot vakillari ITSM faoliyati, kelgusi rejalar, amalga oshirilgan loyihalar va amaliyot o'tash imkoniyatlari haqida batafsil ma'lumot berdilar.

YUNESKO tashabbusi bilan 130 ta bolalar kitobi o'zbek tilida nashr etildi

"Hikoyani tarjima qiling" (Translate a Story) loyihasi doirasida YUNESKO Xalq ta'limi vazirligi va Norvegiyaning rivojlanish agentligi (Norad) bilan hamkorlikda bolalar uchun 130 ta kitoblarni o'zbek tiliga tarjima qilindi. 

Ushbu loyihaning birinchi muvaffaqiyati haqida fikr almashishi maqsadida kuni kecha Xalq ta'limi vazirligi, YUNESKO va Norad vakillari ishtirokida onlayn muloqot tadbiri bo'lib o'tdi.

Xalq ta'limi vazirligi huzuridagi Innovatsiya, texnologiya va strategiyasi jamoasi tomonidan tarjima qilingan kitoblar Global raqamli kutubxonaga (Global Digital Library - GDL) taqdim etildi. 
Badiy hikoyalarni bog’cha va maktab yoshidagi bolalar o`qishi tavsiya qilinmoqda.
 
"Hikoyani tarjima qiling" - Norad, GDL, Global Book Alliance (GBA), BMTning qochqinlar ishlari bo‘yicha agentligi (UNHCR) va boshqalar bilan hamkorligida boshlangan loyiha yosh  bolalar uchun ayni muddao. Ayni kunlarda Xalq ta'limi vazirligi va YUNESKO vakillari hamkorlikda bolalar uchun qiziqarli mavzularni yetkazib berish uchun izlanishmoqda. 

Loyiha haqida ko'proq bilish uchun quyidagi havolalarga o’tishingiz mumkin: Unesco

Global raqamli kutubxona manzili: Digitallibrary

Amity University Tashkent talabalarining kasbiy ko'nikmalarini takomillashtirish bo’yicha memorandum imzolandi 

Innovatsiya, texnologiya va strategiya markazi (ITSM) hamda Amity University Tashkent o'rtasida o'zaro faoliyat va hamkorlik to'g'risidagi memorandumni imzolash marosimi bo'lib o'tdi.

ITSM hamda Amity University Tashkent rahbariyatlari tomonidan imzolangan memorandumda  Amity University Tashkent talabalarining bilim va kasbiy ko'nikmalarini takomillashtirish borasida hamkorlik qilish ko’zda tutilgan.

Uzoq va qisqa muddatli amaliyot o'tganlaridan keyin universitet talabalari Markazga ishga kirish imkoniyatiga ega bo'ladi.

Bundan tashqari, o'zaro hamkorlik doirasida xalq ta'limi tizimini rivojlantirishga qaratilgan innovatsion loyihalar hamda ijodiy izlanishlarni rag'batlantirish rejalashtirilgan.

"LUKOYL Uzbekistan Opereyting Kompani" MChJ hamda Xalq ta’limi vazirligi huzuridagi Innovatsiya, texnologiya va strategiya markazi bilan hamkorlikda Buxoro va Qashqadaryo viloyatlarining umumta’lim maktablarida «Lukoyl» kompaniyasi homiyligi asosida robototexnika kurslarini tashkil etadi.

Ma’lumki, xalq ta’limi tizimida o‘quvchi yoshlarni kelajakda kasb-hunarga tayyorlash asosiy vazifalardan biri etib belgilangan. Shuningdek, robototexnika istiqbolli sohalardan biri hisoblanadi. Shundan kelib chiqib, Buxoro va Qarshi shaharlarida ikkita umumta’lim maktablarida umumiy loyiha qiymati qariyb 243 mln. so‘mlik robototexnika sinflari joriy yilning so‘ngiga qadar tashkil etiladi.

Kelajakda «LUKOYL Uzbekistan Opereyting Kompani» MChJ hamda xalq ta’limi sohasida ushbu loyihani kengaytirish va yangi yo‘nalishlar bo‘yicha hamkorlik qilish rejalashtirilgan.

Shveysariyaning O'zbekistondagi elchixonasi Xalq ta'limi vazirligi huzuridagi Innovatsiya, texnologiya va strategiya markaziga 150 ming AQSh dollari miqdorida grant ajratdi. Bu bilan Shveysariya ITSM tomonidan amalga oshirilayotgan "Maktab ta'limi uchun masofaviy o'qitishni yo'lga qo'yish" loyihasiga hissa qo'shayotgan mahalliy va xalqaro hamkorlar qatoriga qo'shildi. Tegishli shartnoma 7-avgust kuni imzolandi.

Loyiha doirasida Maktab.uz onlayn ta'lim platformasi yaratiladi va tegishli darslar bilan to'ldiriladi, shuningdek o'qituvchilarni psixologik, kasbiy jihatdan qo'llab-quvvatlash hamda zarur hollarda kompyuter texnikasi bilan ta'minlash ko'zda tutilgan. Loyihani amalga oshirish 2020-yil avgustidan boshlanadi.

Jahon bankining rasmiy veb-saytida «Oʻzbekiston: maktablarning yopilishiga oʻz vaqtida javob» nomli maqola eʼlon qilindi.

Maqolada bank mutaxassislarining taʼkidlashicha, 22-aprel holatiga koʻra 180 dan ortiq mamlakatlarda maktablarni yopish toʻgʻrisida qaror qabul qilinishi kamida 1,7 milliard oʻquvchiga oʻz taʼsirini koʻrsatgan.

«Oʻzbekiston, koʻplab davlatlar singari, koronavirus tarqalishining oldini olish uchun barcha maktablarni yopishga majbur boʻldi. Qaror 15-mart kuni, mamlakatda COVID-19 ning birinchi holati roʻyxatga olingan kunda qabul qilindi.

Ikki kun oʻtgach, Xalq taʼlimi vazirligi karantin davrida umumtaʼlim maktablarning 6,1 million nafar oʻquvchilari uchun masofadan turib onlayn taʼlim berilishi haqidagi hukumat qarorini eʼlon qildi.

Vazirlik bu choralarni oʻz vaqtida qabul qildi. 30-martga qadar 350 dan ortiq videodarslar tayyorlangan boʻlib, ular internet va telekanallarda namoyish etildi.

Har kuni oʻrtacha 100 ta videodarslar tayyorlanib, taʼlimning uzluksizligi taʼminlanmoqda», - deyilgan Jahon bankining rasmiy veb-saytida eʼlon qilingan maqolada.

Xalq ta'limi vazirligi Innovatsiya, texnologiya va strategiya markazi (ITSM)  bilan birga tezda harakat qilishni davom ettirmoqda.

ITSM O'zbekiston Respublikasi Xalq taʼlimi tizimida innovatsion va raqamli texnologiyalarni ishlab chiqib, amalga oshirmoqda: Prezident maktabi, “Edu Market” interaktiv virtual taʼlim dasturi, “Edu kids” bolalar uchun ilmiy-ommabop videoroliklari, Toshkent xalqaro taʼlim universiteti, hamda kitobxonlik madaniyatini yuksaltirishga qaratilgan “kitob.uz“ veb-portali.

Jahon banki vakillari   markaz tomonidan amaliyotga keng joriy etilayotgan  «Edu Market» interaktiv oʻquv dasturi, hamda o'z ichida 1000 ziyod eng sara kitob va audio manbalarni qamrab olgan «kitob.uz» veb-portalini  alohida taʼkidlab oʻtgan.

Hozirda, mamlakatda yagona boʻlgan mazkur loyihalarga aholi qiziqishi kundan kunga ortib bormoqda. Google Playda ikki ilova ham ko'p yuklab olinuvchi dasturlar reytingidan joy olgan. 50 mingdan ortiq odam «Edu Market» ilovasini yuklab olganligi bunga misol boʻladi.

Manba: Uzbekistan: A timely response on learning during school closures

 Oʻzbekiston Respublikasi Xalq taʼlimi vazirligi hamda Amerika tashkilotining yangi English Speaking Nation: Secondary Teacher Training loyihasi doirasida mamlakatimiz umumtaʼlim maktablaridagi 33 mingdan ziyod ingliz tili fani oʻqituvchilarining bilim va mahoratini oshirishga imkon yaratiladi. 
English Speaking Nation: Secondary Teacher Training (ESN:STT) loyihasi – xalq taʼlimi tizimidagi maktab oʻqituvchilarining ingliz tili boʻyicha malakasini oshiruvchi dastur hisoblanadi. Mazkur dastur Xalqaro taʼlim boʻyicha Amerika Kengashlari va Xalq taʼlimi vazirligi bilan yaqin hamkorlikda amalga oshirilib, yurtimizda ingliz tili fani oʻqituvchilariga kasbiy – professional rivojlanish uchun keng imkoniyatlar yaratishga qaratilgan. 
ESN:STT dasturi doirasida umumtaʼlim maktablarining 15 000 nafar pedagoglari hamda 1000 nafardan ortiq trener oʻqituvchilari ishdan ajralmagan holda oʻquvchilarning ingliz tilidagi bilim va mahoratini oshirish, shu bilan birga sifatli taʼlim berishga koʻmak beruvchi metodlarni oʻrganadi. 
Ushbu uch yillik dastur trenerlarni tayyorlash va umumtaʼlim maktablarning ingliz tili oʻqituvchilari uchun malaka oshirishning kaskad modeli (qisqa muddat ichida koʻp sonli mutaxassislarni tayyorlash), taʼlim beruvchilar orasida oʻzaro kasbdoshlik koʻmagini shakllantirishga qaratilgan trenerlik dasturlarini oʻz ichiga oladi. 
ESN:STT Xalq taʼlimi vazirligi, viloyat malaka oshirish markazlari va boshqa tegishli tashkilotlar bilan hamkorlikda 21 asr global iqtisodiyoti davriga hamnafas, til koʻnikmalari va vositalariga ega, oʻziga ishongan ingliz tili oʻqituvchilari jamoasini yaratish uchun faoliyat yuritadi. 
Dastur uch bosqichda amalga oshiriladi. Birinchi bosqichda TESOL Xalqaro Uyushmasi (TESOL) va Jorj Meyson universiteti (GMU) tomonidan olib boriladigan intensiv oʻquv dasturida qatnashish uchun har biri 40-45 nafar umumtaʼlim maktablarining ingliz tili oʻqituvchilaridan iborat ikkita guruh tanlab olinadi. 
Har bir guruh TESOLning 140 soatlik, jumladan Oʻzbekiston umumtaʼlim oʻrta maktablarida 20 soatlik majburiy amaliyot oʻtashni oʻz ichiga olgan asosiy sertifikat dasturida ishtirok etadi. Seminar-amaliyotlari mamlakatimiz umumtaʼlim maktablarida TESOL hamda Jorj Meyson universiteti tomonidan ikki hafta davomida olib boriladi. 
Toʻliq oʻquv kursini tugatgandan soʻng nomzodlar TESOL asosiy sertifikatiga ega boʻladi va Oʻzbekistonning asosiy oʻqituvchi-trenerlari jamoasiga kiritiladi. Eng kuchli oʻqituvchi-trenerlar ESNning mahoratli trenerlari boʻlishi uchun qoʻshimcha treninglarda qatnashishi va TESOLning 140 soatlik asosiy sertifikat dasturini oʻz kasbdoshlariga yetkazishi mumkin.
Ikkinchi bosqichda asosiy oʻqituvchi-trenerlar (CT) Trenerlarni Tayyorlash Institutida 10-12 hududdagi kasbdosh mentorlar (RPM) guruhiga trening oʻtkazadi va ularga mentorlik qiladi. 
Uchinchi bosqichda CTlar trenerligi va rahbarligi ostida RPM lar bir yil davomida 10 nafar maktab oʻqituvchilarini oʻqitib, ularga trenerlik qiladi. Shu tarzda uchinchi yil yakuniga qadar 15000 nafar oʻqituvchilarni oʻqitishga erishiladi.
Dastur doirasida eng yaxshi 300 nafar RPMlar ESNning mahoratli trenerlari tomonidan oʻqitiladi va TESOL asosiy sertifikatini olish imkoniyatiga ega boʻladi. Shu asosda ular Oʻzbekistonning eng nufuzli asosiy oʻqituvchi-trenerlari jamoasiga aʼzo boʻlish imkoniga ega boʻladi. Asosiy oʻqituvchi-trenerlar jamoa trenerlarining ish rejalari va oʻquv materiallarini ishlab chiqadi. Ular Xalq taʼlimi vazirligiga oʻqituvchilar malakasini oshirish kurslarini oʻtkazish uchun tavsiya qilinadi. CTlar va RPMlar 2022-yil Oʻzbekistonda boʻlib oʻtadigan Mintaqaviy TESOL Konferensiyasida ishtirok etish imkoniyatiga ega boʻladi.

O'zbekiston Respublikasi xalq ta'limi vazirligi va Amerika tashkilotining "English Speaking Nation: Secondary Teacher Training" yangi loyihasi doirasida umumta'lim maktablarida 33 000 dan ortiq ingliz tili o'qituvchilarining bilim va ko'nikmalarini oshirish mumkin bo'ladi. 

English Speaking Nation: Secondary Teacher Training (ESN:STT) loyihasi-bu maktab o'qituvchilarining xalq ta'limi tizimidagi ingliz tili ko'nikmalarini yaxshilaydigan dastur. Ushbu dastur Amerika xalqaro ta'lim kengashi va Xalq ta'limi vazirligi bilan yaqin hamkorlikda amalga oshirilmoqda va mamlakatimizda ingliz tili o'qituvchilarining malakasini oshirish uchun keng imkoniyatlar yaratishga qaratilgan.

ESN:STT dasturi doirasida 15 000 ta umumta'lim maktabi o'qituvchilari va 1 000 dan ortiq o'qituvchi-trenerlar o'quvchilarning ingliz tili bo'yicha bilim va ko'nikmalarini oshirishga yordam beradigan usullarni o'rganadilar, shu bilan birga sifatli ta'lim oladilar.

Ushbu uch yillik dastur murabbiylarni tayyorlashni va umumta'lim maktablarining ingliz tili o'qituvchilarining malakasini oshirishning kaskadli modelini (qisqa vaqt ichida ko'plab mutaxassislarni tayyorlash), o'zaro kasbiy yordamni shakllantirishga qaratilgan o'quv dasturlarini o'z ichiga oladi.o'qituvchilar.

ESN: STT xalq ta'limi vazirligi, mintaqaviy o'quv markazlari va boshqa tegishli tashkilotlar bilan hamkorlikda 21-asr global iqtisodiyot davriga mos keladigan til ko'nikmalari va vositalariga ega ishonchli ingliz tili o'qituvchilari guruhini yaratish uchun ishlaydi.

Dastur uch bosqichda amalga oshiriladi. Birinchi bosqichda TESOL xalqaro assotsiatsiyasi (TESOL) va Jorj Meyson universiteti (GMU) tomonidan olib boriladigan intensiv o'quv dasturida qatnashish uchun har bir o'rta maktabda 40-45 ingliz tili o'qituvchilaridan iborat ikkita guruh tanlanadi.

Har bir guruh TESOLNING 140 soatlik asosiy sertifikatlash dasturida, shu jumladan O'zbekiston o'rta maktablarida 20 soatlik majburiy stajirovkada qatnashadi. Seminarlar TESOL va Jorj Meyson universiteti tomonidan mamlakatimiz umumta'lim maktablarida ikki hafta davomida o'tkaziladi.

To'liq o'quv kursini tugatgandan so'ng, nomzodlar TESOL asosiy sertifikatiga ega bo'ladilar va O'zbekistonning asosiy o'qituvchi-murabbiylar jamoasiga kiritiladilar. Eng kuchli murabbiy o'qituvchilar tajribali ESN murabbiylari bo'lish va hamkasblariga 140 soatlik TESOL Core Certificate dasturini taqdim etish uchun qo'shimcha treningdan o'tishlari mumkin.

Ikkinchi bosqichda asosiy o'qituvchi-o'qituvchilar (KT) o'qituvchilarni tayyorlash institutida 10-12 mintaqaviy professional murabbiylar (RPM) guruhini o'qitadilar va o'qitadilar.

Uchinchi bosqichda RPM 10 ta maktab o'qituvchilarini bir yil davomida CT rahbarligi va murabbiyligi ostida o'qitadi va o'qitadi. Shunday qilib, uchinchi yil oxiriga qadar 15000 o'qituvchi tayyorlanadi.

Dastur doirasida eng yaxshi 300 RPM ESNNING eng yaxshi murabbiylari tomonidan o'qitiladi va TESOLNING asosiy sertifikatini olish imkoniyatiga ega bo'ladi. Shu asosda ular O'zbekistonning eng nufuzli bosh pedagog-trenerlar jamoasi a'zosi bo'lish imkoniyatiga ega bo'ladilar. Bosh murabbiy murabbiylar jamoa murabbiylarining ish rejalari va o'quv materiallarini ishlab chiqadilar. Ular xalq ta'limi vazirligiga o'qituvchilar malakasini oshirish kurslarini o'tkazish uchun tavsiya etiladi. CT va RPM 2022-yilda O'zbekistonda bo'lib o'tadigan TESOL mintaqaviy konferensiyasida ishtirok etish imkoniyatiga ega bo'ladi.

EF Education First
Joriy yilning 5-mart kuni O‘zbekiston Xalq ta’limi vaziri Sherzod Shermatov va EF Education First kompaniyasi direktori Karl-Yoxann Vestring anglashuv memorandumini imzoladi.
EF Education First kompaniyasi ingliz tilini o‘qitishga qaratilgan turli o‘quv dastur, metodika va pedagogik yondashuvlarni taklif etuvchi dunyodagi yirik tashkilotlardan biridir.

Edu Market interfaol-virtual taʼlim dasturi taqdimoti
Joriy yilning 15-fevral kuni Toshkent shahridagi Inha universitetida Edu Market interfaol-virtual taʼlim dasturining taqdimoti boʻlib oʻtdi.

Education World Forum - 2020
Buyuk Britaniyaning ta'lim sohasidagi “Education World Forum-2020” tarixida ilk marotaba dunyoning 100 dan ortiq mamlakatlari ta'lim vazirliklari orasida O‘zbekiston ta'lim sohasida olib borayotgan ulkan islohotlar bo‘yicha taqdimot qilindi.

Edu Kids interfaol oʻquv dasturi, yoshlarning orasida bilim darajasini oshirish maqsadida yaratilgan. Mazkur dastur ketma-ket harakatli rang-barang video animatsiya, mazmunli maʼlumotlar va asoslangan dalillarni oʻzida mujassam qilgan. Yorqin kontent, yaʼni animatsiya, har qanday yoshdagi tomoshabinlarni koʻrishga jalb qiladi va oʻqitishda olingan bilimlarni mustahkamlash imkonini beradi. Mazkur dastur koʻrish va tinglash orqali maʼlumotni oʻzlashtirishga yordam beradi. Kontent xilma-xil boʻlib elementlarga ega boʻlib, eng qiziqarli va dolzarb masalalarni koʻrib chiqadi. Edu Kids loyihasida haftasiga bir marta video lavha chiqarib, har oy maʼlum bir mavzuga bagʻishlanadi.

"Zamonaviy maktablar" loyihasi
O‘zbekiston Respublikasi Prezidentining 2019-yilning 26-noyabrdagi “Zamonaviy maktablar"ni tashkil etish chora-tadbirlari to‘g‘risida”gi PQ-4537-son qarori imzolandi

Finlyandiyada ta’lim innovatsiyalari bilan tanishildi
Xalq ta’limi vazirligi huzuridagi “Innovatsiya, texnologiya va strategiya markazi” xodimlari ishchi tashrif bilan 4-8 noyabr kunlari Finlyandiyada bo‘ldi.

Endi ushbu portal orqali barcha xohlovchilarga Xalq ta’limi sohasini rivojlantirishga oid o‘z g‘oya-takliflarini to‘g‘ridan-to‘g‘ri vazirlikning maxsus ishchi guruhiga yuborish imkoniyati yaratildi. 

"Robocraft" loyihasining asosiy maqsadi "Barkamol avlod" respublika markazlarida robototexnika bo'yicha o'quv kurslarini tashkil etishdan iborat.

Innovatsiya, texnologiya va strategiya markazi Telegram messenjerida UzEduBot botini ishga tushirdi.
UzEduBot botining asosiy maqsadi xalq ta’limi tizimidagi ma’lumotlarni olishga qulaylik yaratishdan iborat.
Bot orqali foydalanuvchilar Xalq ta’limi vazirligi, respublika tashkilotlari hamda viloyat, shahar va tuman xalq ta’limi boshqarmalari, shuningdek, bo‘limlari manzili, telefon raqamlarini olish mumkin.
Bot yordamida umumiy o‘rta ta’lim maktablari va ixtisoslashgan muassasalar hamda mehribonlik uylarining manzillarini ham topish imkoniyati bor.
Mazkur bot tashkilotlarning manzili bilan birga xarita va ularning joylashgan joyini ham ko‘rsatib beradi.
Avtomatlashgan tizim amalga oshirilgan va oshirilishi kutilayotgan loyihalar, umumta’lim maktablarining moliyaviy xarajatlari (maktablar smetalari) hamda bo‘sh ish o‘rinlari haqidagi ma’lumotlarni ham taqdim etadi.
Foydalanuvchilar bot yordamida vazirlik tizimiga oid yangiliklar bilan ham muntazam tanishib borishlari mumkin.

“EduMarket" - Interaktiv virtual ta’lim elektron platformasini ishlab chiqishga start berildi
“EduMarket” loyihasining maqsadi – bolalar uchun yanada qulay, qiziqarli interfaol usulda bilim olish va o‘rganish jarayonini ishlab chiqish, har bir yoshdagi o‘quvchi uchun bilim olishning to‘g‘ri tizimini hamda o‘zlashtirish faoliyatini shaffof monitoringini yaratish, gadjetlarni nafaqat ermak, balki to‘laqonli ta’lim vositasi sifatida ham yaratishdan iborat.

"Davlat xususiy sheriklik veb-portalini yaratish" loyihasi
Xalq ta'limi sohasida davlat va biznes o'rtasidagi sherikchilik uchun shart-sharoitlar yaratish, DXSh loyihalarini amalga oshirish uchun ularning potensialini ishlab chiqish va birlashtirish hamda mamlakat iqtisodiyotiga xususiy investitsiyalar hajmini oshirish maqsadida markaz tomonidan Davlat xususiy sheriklik veb-portali yaratildi. 

«Prezident maktablarini tashkil etish to‘g‘risida»gi qaror imzolandi
Prezident maktablarining asosiy maqsadi ta'lim jarayoniga ilg‘or texnologiyalarni qo‘llash orqali iqtidorli yoshlarni tarbiyalash va o‘qitish, rag‘batlantirish hamda kelgusida ularni salohiyatini qo‘llab-quvvatlash, Shuningdek, o‘quvchilarni kasb-hunarga yo‘naltirish, yetakchilik ko‘nikmalari va notiqlik mahoratini rivojlantirish, tanqidiy fikrlash, axborotni izlash, tahlil qilish va qayta ishlash, olingan bilimlarni amaliyotda qo‘llash kabi ko‘nikmalarni shakllantirishdan iborat.

"Kitob.uz" portali.
“Kitob.uz” Davlat bolalar kutubxonasining yangi va zamonaviy portali boʻlib, kitobxonlarga ma’naviy boyligi, madaniyati, millat ko’zgusi sifatida xizmat qilib kelayotgan oʻzbek tilidagi elektron va audio kitoblarni oʻqishga imkon beruvchi yagona bilim portali hisoblanadi. 

"Innovatsiya, texnologiya va strategiya markazi" Davlat unitar korxonasi O'zbekiston Respublikasi Prezidentining "Xalq ta'limi tizimiga boshqaruvning yangi tamoyillarini joriy etish chora-tadbirlari to'g'risida" 2018-yil 5-sentyabrdagi PQ-3931-son qarorining 9-bandiga muvofiq, O'zbekiston Respublikasi Xalq ta'limi vazirining 2018-yil 22-noyabrdagi 287-son buyrug'iga asosan, O'zbekiston Respublikasi Prezidentining 2018-yil 8-noyabrdagi 20532-xx-son yig'ilish bayonnomasining 12-bandi, shuningdek, Bosh Vazirning 2018-yil 13-noyabrdagi 14/1-4141-son topshirig'iga binoan tashkil etilgan.