Biz kimmiz?

Markaz haqida

Innovatsion texnologiyalar butun dunyodagi o'qituvchilar va o'quvchilar uchun o'quv jarayonini o'zgartiradi. O'zbekiston Respublikasi Xalq ta'limi tizimini 2030-yilgacha rivojlantirish konsepsiyasiga muvofiq tizimni modernizatsiya qilish maqsadida faol harakatlar amalga oshirilmoqda. Konsepsiyada qayd etilgan vazifalardan kelib chiqib, xalq ta'limi tizimiga zamonaviy axborot-kommunikatsiya texnologiyalari va innovatsion loyihalarni tatbiq etish, yoshlarni maktabdan tashqari ta'lim va tarbiyalashning zamonaviy uslub va yo'nalishlarini joriy etish, hamda ularning bandlik bilan ta'minlash, DUK “Innovatsiya, texnologiya va strategiya markazi” (ITSM) ushbu dasturlarni amalga oshirish bo'yicha maqsadlarni belgilaydi.

ITSM 2018-yil 28-noyabr kuni Oʻzbekiston Respublikasi xalq ta’limi vazirligi huzurida tashkil etilgan. ITSMning asosiy maqsadi xalq ta’limi tizimiga zamonaviy va innovatsion texnologiyalar, veb-platformalar, dasturiy mahsulotlar, axborot tizimlarini joriy etish hamda, strategik tahlil va rejalashtirish orqali sohani yanada rivojlantirishdan iboratdir.

ITSM loyihalari O'zbekiston xalq ta'limi tizimini boshqarish jarayonlarini raqamlashtirish va avtomatlashtirish hamda o'qituvchilar va talabalarning imkoniyatlarini kengaytirish uchun innovatsion yondashuvlar, platformalar va tizimlarni joriy etishga qaratilgan.

Bizning missiyamiz

Xalq taʼlimi tizimini yanada rivojlantirish uchun innovatsion texnologiyalar, platformalar, dasturiy mahsulotlarni ishlab chiqish va ularni joriy etish.