Joriy yilning 11-iyul kuni “Innovatsiya, texnologiya va strategiya  markazi” DUK  hamda “Kosmik monitoring va geoaxborot texnologiyalari markazi” DUK oʻrtasida STEM- taʼlim sohasida hamkorlikni davom ettirish va taʼlim media-mahsulotlarini ishlab chiqish loyihalarini birgalikda amalga oshirish maqsadida memorandum imzolandi.

     Mazkur kelishuv umumta’lim muassasalarida o‘qitish uslublarini takomillashtirish, o‘quv-uslubiy qo‘llanmalar ishlab chiqish, shuningdek, tomonlar ixtiyorida mavjud bo‘lgan materiallarni tarjima qilish va ish jarayonlariga moslashtirishga qaratilgan qo‘shma ishchi guruh tashkil etishni nazarda tutadi.

     Tomonlar ushbu hamkorlik STEM-ta’limini ommalashtirish hamda o‘zaro manfaatli hamkorlikni kengaytirish va chuqurlashtirish uchun zamin yaratishning muhim mexanizmi ekanligiga ishonch bildiradilar.

     Ma'lumot uchun: ushbu hamkorlik O‘zbekiston Respublikasida STEM-ta’limini rivojlantirishda muhim qadamdir. Kelishuv ishtirokchilari ta’lim media-mahsulotlari va tajriba almashish bo‘yicha ishchi guruhning yaratilishi ta’lim muassasalarida o‘qitish usullarini sezilarli darajada takomillashtirish hamda STEM sohasini talabalar uchun yanada qulay va qiziqarli qilish imkonini beradi, deb hisoblaydi.