Xalq ta’limi vaziri o‘rinbosari Rustam Karimjonov boshchiligidagi ishchi guruh Shayxontohur tumani maktablari misolida respublikaning barcha umumta’lim maktablarida AKTni rivojlantirish strategiyasini tajribadan o‘tkazish ishlari bilan tanishdi. 

Ishchi guruh tumandagi 20-maktabning pedagog xodimlari va maktab ma’muriyati bilan birgalikda quyidagi masalalarni muhokama qildi:

Maktablarda AKT infratuzilmasini yaxshilash borasida: 

•  Maktabga yuqori tezlikdagi Internet infratuzilmasini olib kelish
•  Maktabning ichki lokal tarmoq infratuzilmasini rivojlantirish (informatika xonasiga hamda o‘quv ishlari bo‘yicha direktor o‘rinbosari xonasiga lokal tarmoq tizimini joriy qilish, o‘qituvchilar xonasiga wi-fi qurilmalarini o‘rnatish) 
•  Informatika sinf xonalarini zamonaviy kompyuter texnikalari bilan ta’minlash 
✅Informatika fani darsliklarini zamon talablariga mos tarzda yangilash; 
✅Maktablarda xalq ta’limi tizimini boshqarish (ERP) va boshqa elektron tizimlarini joriy etish;
✅Kitob.uz, edumarket.uz, maktab.uz, edukids va o‘quvchilarni interaktiv ta’lim platformalari bilan tanishtirish; 
✅Informatika fani o‘qituvchilarining bilim va ko‘nikmalarini rivojlantirish;  
✅Maktablarda yangi "Education" internet tarif rejasini sinovdan o‘tkazish. 

O‘rganish davomida vazir o‘rinbosari maktabda Internet tarmog‘ining sifati, undan foydalanishda xavfsizlikni ta’minlash, yangi kompyuter sinf xonalaridan samarali foydalanish bo‘yicha o‘z tavsiya va ko‘rsatmalarini berdi.