O‘zbekiston Respublikasi Xalq ta’limi vazirligi huzuridagi “Innovatsiya, texnologiya va strategiya markazi” DUK (keyingi o‘rinlarda – Davlat sherigi) “Virtual ta’lim" - Interaktiv virtual ta’lim elektron platformasini ishlab chiqish maqsadida Davlat-xususiy sheriklik loyihasida ishtirok etish uchun tanlov e’lon qiladi.

Tanlov predmeti:

• “Virtual ta’lim” - Interaktiv virtual ta’lim elektron platformasini ishlab chiqish - (keyingi o‘rinlarda – DXSH predmeti);

• DXSH predmeti tanlov g‘olibi tomonidan ishlab chiqiladi va quyidagi shartlarga muvofiq 49 yilgacha bo‘lgan muddatga qadar (O‘zbekiston Respublikasining 2019 yil 10 maydagi “Davlat-xususiy sheriklik to‘g‘risida”gi 537-sonli O‘zR Qonuniga muvofiq) bepul foydalanish uchun ishlatiladi.

• Tanlov jarayonida ishtirok etish uchun zarur bo‘ladigan hujjatlar:

• yuridik shaxsning davlat ro‘yxatidan o‘tkazilganligi to‘g‘risidagi guvohnomaning nusxasi;

• soliqlar,  yig‘imlar,  boshqa majburiy to‘lovlar va moliyaviy sanksiyalar bo‘yicha qarzi yo‘qligi to‘g‘risida ma’lumot ariza taqdim etilgan kundan bir oy oldingi holati bo‘yicha;

• tanlov ishtirokchisi qayta tashkil etish yoki tugatish bosqichida bo‘lmaganligi to‘g‘risida ma’lumotnoma;

• davlat-xususiy sheriklik loyihasi taklifi;

• DXSH predmetini ishlab chiqish uchun dastlabki konsepsiyasi;

• tanlov e’lonida ko‘rsatilgan davlat-xususiy sheriklik loyihasi davrida moliyalashtirish jadvali bilan DXSH predmetini rivojlantirish rejasi;

• yuridik shaxs egaligidagi yoki tasarrufidagi moliyaviy aktivlar, shuningdek, so‘nggi uch yilgi daromadlari to‘g‘risidagi ma’lumotlar;

• xorijiy firma va tashkilotlar uchun O‘zbekiston Respublikasining konsullik muassasalari va/yoki vakolatxonalarida yuridik shaxs sifatida ro‘yxatdan o‘tkazilganligi to‘g‘risidagi guvohnomaning nusxasi.

Muddati:

Tanlovda ishtirok etishga qiziqqan tadbirkorlar va investorlar 2019 yilning 15 noyabriga qadar quyidagi manzilga o‘z qiziqishlarini taqdim etishlari mumkin:  O‘zbekiston Respublikasi Xalq ta’limi vazirligi huzuridagi “Innovatsiya, texnologiya va strategiya markazi” DUK, Toshkent shahri, 100031, Yakkasaroy tumani, Mirobod ko‘chasi, 14-uy.  Tel.: (+99871) 207-39-39, elektron pochta: info@itsm.uz.

Tanlovning qo‘shimcha shartlariga oid ma’lumot quyidagi manzilda keltirilgan.

https://uzedu.uz/uz/obavlaetsa-konkurs-na-razrabotku-elektronnoj-platformy-interaktivno-virtualnogo-obrazovania-virtual-talim