Ўзбекистон ва БАА келажак таълим тизимини ислоҳ қилиш бўйича ҳамкорлик қилади

19.10.2019

44

Жорий йилнинг 17 октябрь куни Ўзбекистон Халқ таълими вазирлигида Бирлашган Араб Амирликлари Таълим вазирлиги аккредитация ва таълим хизматлари бўйича вазир ўринбосари ёрдамчиси Хассан Алхейри ҳамда халқаро ташкилотлар бўйича ижрочи директори Холид Алжасми билан учрашув бўлиб ўтди.


Учрашув давомида таълим соҳасида олиб борилаётган ислоҳотлар тўғрисида маълумот алмашиниб, икки томонлама амалий ҳамкорлик асосий йўналишлари борасида келишиб олинди. БАА Таълим вазирлиги билан Инновация, технология ва стратегия маркази томонидан йўлга қўйилиши режалаштирилаётган ушбу ҳамкорлик қуйдаги йўналишларда олиб борилади:


-    узлуксиз таълим тизими;
-    таълим соҳасида келажакни таҳлил асосида белгилаб, таълимни келажакка мувофиқлаштириш;
-    келажак кўникмаларини аниқлаш ва тадбиқ қилиш;
-    самарадорликнинг муҳим кўрсаткичлари (Key Performance Indicators, KPI).


Учрашув сўнгида томонлар таълим соҳасида келажакда ҳамкорлик кўламини янада кенгайтириш мақсадида бир қанча вазифалар юзасидан келишиб олинди.

 

Biz bilan bog'laning

Takliflaringizni, shikoyatlaringizni yoki fikringizni ushbu shaklda yuborishingiz mumkin