Shiddat bilan rivojlanayotgan davrda avtomatlashtirish va robot xizmatlari kengayib borayotgani hamda ular eng qiyin vazifalarni ham amalga oshirayotgani kelajakda zamonaviy kasb va mutaxassislarga talab ortib borishidan dalolat beradi. Yoshlarni zamonaviy va kelajak kasblariga yo‘naltirish davlatimiz tomonidan ta’lim sohasidagi ustuvor vazifa etib belgilangan. “O‘zbekiston Respublikasi xalq ta’limi tizimini 2030 yilgacha rivojlantirish konsepsiyasi”da ta’lim-tarbiya jarayoniga individuallashtirish tamoyillarini bosqichma-bosqich tatbiq etish, sohaga zamonaviy axborot-kommunikasiya texnologiyalari va innovatsion loyihalarni joriy etish ko‘zda tutilgan.

Yangi o‘quv yilida “LUKOYL Uzbekistan Opereyting Kompani” kompaniyasi hamda Xalq ta’limi vazirligi huzuridagi Innovatsiya, texnologiya va strategiya markazi bilan hamkorlikda hududlarda ixtisoslashtirilgan sinflar va robototexnika kurslarini yaratish loyihasiga start berildi. 

Kuni kecha Qarshi va Buxoro shaharlaridagi  umumta’lim maktablarida robototexnika sinfi tashkil etildi. Loyiha doirasida sinflar umumiy qiymati 243 million so‘mlik: 

• zamonaviy kompyuterlar;

• 3D-printerlar; 

• robototexnika to‘plamlari;

• proyektor moslamasi va boshqa innovatsion uskunalar bilan jihozlandi.